XVIII з’езд БСДП АБРАЎ НОВАЕ КІРАЎНІЦТВА ПАРТЫІ

З’ЕЗД БСДП АБРАЎ НОВАЕ КІРАЎНІЦТВА ПАРТЫІ

 11 сакавіка адбыўся XVIIIз’езд Беларускай сацыял-дэмакратычнай партыі (Грамады).

 З’езд заслухаў справаздачы Цэнтральнага Камітэта (дакладчык Ірына Вештард) і Цэнтральнай Рэвізійнай Камісіі партыі (дакладчык Анатоль Сідарэвіч).

 Адбыліся выбары Цэнтральнага Камітэта і Цэнтральнай Рэвізійнай Камісіі.

 Адметнасцю З’езду было тое, што заканчваўся тэрмін паўнамоцтваў старшыні партыі Ірыны Вештард, якая займала гэтую пасаду з сакавіка 2012 г. (а фактычна з 2011 г.). У адпаведнасці са Статутам Грамады пасля трох тэрмінаў (шасці гадоў) старшынёўства прэтэндаваць на пасаду кіраўніцы партыі І. Вештард больш не магла.  

 Прэзідыум і Цэнтральны Камітэт партыі рэкамендавалі З’езду абраць на пасаду старшыні БСДП Ігара Барысава, які з 2010 г. быў намеснікам старшыні, а з 2016 г. – першым намеснікам старшыні Грамады.

 Дэлегатамі З’езду на пасаду старшыні былі вылучаныя таксама кандыдатуры Алега Волчака і Ігара Маслоўскага, аднак абодва яны свае кандыдатуры знялі.

 Старшынёю партыі абраны Ігар Барысаў.

 Разам з выбарамі старшыні партыі адбыліся выбары старшыні Цэнтральнай Рэвізійнай Камісіі. Кандыдатамі на гэтую пасаду былі вылучаны старшыня ЦРК з 2016 г. Анатоль Сідарэвіч і былы старшыня Камісіі Вячаслаў Болбат.

 Старшынёю Цэнтральнай Рэвізійнай Камісіі зноў абраны Анатоль Сідарэвіч.   

 На пасаду першага намесніка старшыні БСДП Прэзідыум і Цэнтральны Камітэт партыі рэкамендавалі кандыдатуру Аляксея Сігаева, які да гэтага займаў пасаду намесніка старшыні Грамады. У бюлетэнь для таемнага галасавання была ўключана таксама кандыдатура Алега Яхімовіча з Маладзечна.

 Большасць дэлегатаў абрала першым намеснікам старшыні БСДП Аляксея Сігаева.

 Па рэкамендацыі Цэнтральнага Камітэта БСДП З’езд вырашыў абраць на пасады намеснікаў старшыні партыі трох чалавек. У бюлетэнь для таемнага галасавання былі ўключаныя кандыдатуры Ірыны Вештард, Алега Волчака і Ганны Канюс, якіх рэкамендавалі Прэзідыум і Цэнтральны Камітэт. Апрача гэтых трох, кандыдатамі на пасады намеснікаў дэлегатамі былі вылучаны таксама старшыня Мінскай абласной партыйнай арганізацыі Аляксандр Абрамовіч і намеснік старшыні Грамады з 2016 г. Леанід Дубаносаў.

 У выніку таемнага галасавання намеснікамі старшыні БСДП абраны Ірына Вештард, Алег Волчак і Ганна Канюс.

Дэлегаты абралі таксама сябраў Цэнтральнага Камітэта і Цэнтральнай Рэвізійнай Камісіі БСДП, поўны спіс якіх апублікаваны нижэй. 

    *  *  *

СЯБРЫ ЦЭНТРАЛЬНАГА КАМІТЭТА БСДП.

 абраныя XVIIIз’ездам партыі 11 сакавіка 2018 г.

 АЛІЕВА Марыя Рыгораўна (г. Мінск)

 АМЯЛЮСІК Аляксандр Сяргеевіч (г. Драгічын Брэсцкай вобласці)

 АСКІРКА Валенцін Фёдаравіч (г. Гродна)

 БАРЫСАЎ Ігар Пятровіч (г. Магілёў)

 ВЕШТАРД Ірына Зянонаўна (г. Смаргонь Гродзенскай вобласці)

 ВОЛКАВА Любоў Аляксандраўна (г. Наваполацк Віцебскай вобласці)

 ВОЛЧАК Алег Канстанцінавіч (г. Мінск)

 ГАЛАНІНА Наталля Барысаўна (г. Брэст)

 ГАРАВАЯ Таццяна Аляксееўна (г. Гарадок Віцебскай вобласці)

 ГРЫБ Мечаслаў Іванавіч (г. Мінск)

 ГРЫНЯВЕЦКІ Юрый Анатольевіч (г. Бабруйск Магілёўскай вобласці)

 ЗНАВЕЦ Павел Кірылавіч (г. Мінск)

 ІВАНОЎ Арцём Уладзіміравіч (г. Брэст)

 КАВАЛЮК Віктар Сцяпанавіч (г. Брэст)
КАНЮС Ганна Уладзіміраўна (г. Брэст)
КУЗЬМІН Аляксандр Уладзіміравіч (г. Белаазёрск  Брэсцкай вобласці)

 ЛАБАЧОЎ Іван Нікіфаравіч (г. Мінск)

 ЛАВІЦКІ Мікалай Емельянавіч (г. Мінск)

 ЛАЗАРЭНКАЎ Валянцін Дзмітрыевіч (г. Брэст)

 ЛЫСКАВЕЦ Яўген Анатольевіч (г. Мінск)

 МАЗАН Сяргей Анатольевіч (в. Хорск Столінскага раёна Брэсцкай вобласці)

 МАРЧУК Аляксей Васільевіч (г. Брэст)

 МАСЛОЎСКІ Ігар Уладзіміравіч (г. Брэст)

 МІХАСЁЎ Віктар Уладзіміравіч (г. Барань Аршанскага раёна Віцебскай

 вобласці)

 МЯЦЕЛЬСКІ Мікалай Міхайлавіч (г. Мінск)

 ПАЛУБЯТКА Іосіф Іосіфавіч (г. Масты Гродзенскай вобласці)

 РАХМАНАВА Вольга Уладзіміраўна (г. Мінск)

 РУДАКОЎСКАЯ Марыя Аляксандраўна (г. Мінск)

 СІГАЕЎ Аляксей Уладзіміравіч (г. Мінск)

 СПАСЮК Рыгор Віктаравіч (г. Бабруйск Магілёўскай вобласці вобласці)

 ТАРАСЕВІЧ Таццяна Міхайлаўна (г.Бяроза Брэсцкай вобласці)

 ТРУСАЎ Алег Анатольевіч (г. Мінск)

 УСЦІМЕНКА Мікалай Андрэевіч (г. Мар’іна Горка Мінскай вобласці)

 ФІЛЕНЯ Алег Мікалаевіч (г. Салігорск Мінскай вобласці)

 ШКАДУН Наталія Аляксееўна (г. Магілёў)

 ЯКАЎЛЕЎ Алег Вячаслававіч (г. Барань Аршанскага раёна Віцебскай

 вобласці)

 ЯКІМАВЕЦ Наталля Ігараўна (г. Клічаў Магілёўскай вобласці)

 Нагадаем, што Ігар Барысаў абраны старшынёю БСДП, Аляксей Сігаеў – першым намеснікам старшыні, Ірына Вештард, Алег Волчак і Ганна Канюс – намеснікамі старшыні.

На астатнія 32 месцы ў Цэнтральным Камітэце кандыдатамі былі 49 сябраў партыі.

    *  *  *

ЦЭНТРАЛЬНАЯ РЭВІЗІЙНАЯКАМІСІЯ БСДП,

абраная XVIIIз’ездам партыі 11 сакавіка 2018

БАБКОЎ Барыс Вітальевіч (г. Гродна)

ГАРАВЫ Леанід Антонавіч (г. Гарадок Віцебскай вобласці)

ДЗЯГІЛЕЎ Леанід Яўсеевіч (г. Мінск)

ЕРМАКОВА Галіна Іванаўна (г. Белаазёрск Бярозаўскага раёна Брэсцкай вобласці)

КРЭНЬ Алена Генадзеўна (г. Магілёў)

СІДАРЭВІЧ Анатоль Міхайлавіч (г. Мінск)

Нагадаем, што старшынёю ЦРК БСДП з’езд абраў Анатоля Сідарэвіча.

У сябры ЦРК было вылучана 7 кандыдатаў. Абраны 5 сябраў ЦРК.