Блог

ПАВАЖАНЫЯ ТАВАРЫШЫ І ТАВАРЫШКІ!

Прэзідыум і Цэнтральны камітэт Беларуска сацыял-дэмакратычнай партыі (Грамады) вылучыў мяне на пасаду старшыні партыі.

Асабіста для мяне гэта было няпростае рашэнне, бо працаваў на пасадзе першага намесніка старшыні і бачыў той аб’ём працы, які быў у мяне і ў старшыні партыі, як часам няпроста прымаць складаныя рашэнні. Я быў на розных партыйных пасадах і нарэшце наблізіўся да самай галоўнай з іх – магчымасці ўзначаліць Беларускую сацыял-дэмакратычную партыю (Грамаду).

Я не прыйшоў ў партыю учора. Мне 35 гадоў і я ў БСДП з 19 год і хутка скажу, што большую частку свайго жыцця я аддаў ідэалам сацыял-дэмакратыі.

Беларуская сацыял-дэмакратычная партыя (Грамада) вылучае медыцыну адной з найбольш важных праблем сучаснага беларускага грамадства. Калі казаць больш дакладна, то нас турбуе агульны стан медыцыны і якасць аказання паслуг медыцынскімі ўстановамі.

Дагэтуль не праведзена рэформа, якая бы вывела медыцыну на вышэйшы, больш якасны ўзровень.

Людзі, якія жывуць у буйных гарадах пастаянна сутыкаюцца з праблемаю недаступнасці медыцынскіх установаў – палікліннік, бо вельмі часта, каб дабрацца да іх прыходзіцца ехаць у іншы канец горада. Людзі ў сельскай мясцовасці, каб атрымаць кваліфікаваную медыцынскую дапамогу мусяць дабірацца ў бліжэйшы райцэнтр.

У апошнія гады істотна скараціўся прэстыж медыцынскіх прафесій. Прычынай гэтаму – нізкія заробкі. Ужо зараз адчуваецца недаўкамплектацыя медыцынскіх установаў высокакваліфікаванымі кадрамі. Адчуваецца таксама войстры недахоп санітарак і медсёсцер. Як следства – медыкі мусяць браць хабар. Мы становімся сведкамі рэзанансных справаў, калі на доктара ўзбуджаюць крымінальную справу за тое, што ён ўзяў у пацыента 50 ці 100 тысяч рублёў. Калі б дзяржава клапацілася пра медыкаў, то ў іх бы і думкі не ўзнікла браць такі нікчэмны хабар.